Ch’ le divan

Ènne fanne seuffrait d’ïn mâ sïngulie. Le soi, è poénne coutchie, è yi sannait qu’è y aivait quéqu’un dôs son yèt. Lai paivou l’empâtchait de dremi. Èlle se yevait po vérifiaie, mains è poénne recoutchie, lai paivou lai r’pregnait. Èt l’ meinme commèrce s’eur’produjait pus d’ïn côp lai neût. Èlle était éroingn’nèe. Çoli n’ poéyait pus durie. Èlle s’en euvré en son dgén’ralichte. «Mai poûere daime, yi dit l’ dottoé, i n’ peus ran po vôs. È vôs fât conchultaie ïn psy. I en coégnâs un qu’i vôs r’commainde.»

Lai fanne é pris rendèz-vôs. «Vôs èz bïn fait d’ veni, yi dit le chpécialichte. Les pavous, çoli se soingne. Nôs v’lans entrepâre le trait’ment tot comptant. I vôs prévïns, çoli s’ré long. Chés mois â moins, ènne séance poi snainne.»

– Çoli m’ veut cotaie cobïn?

– Ran. Ç’ât l’aichurance que prend.

Lai doûejieme séance, lai fanne dit en son psy: «I râte le trait’ment. I seus r’voirie.»

– Vrâment? Qu’ât-ce que s’ât péssè?

– I seus t’allèe tchie mon décrïnnou. «Qu’ât-ce que vôs m’ fotez d’allaie tchie ïn psy qu’è m’é dit: È y é un r’méde bïn pus sïmpye. Scièz les quaitre pies d’ vot’ yét.»

Note

mon décrïnnou, mon coiffeur.

Retrouvez et écoutez l’article complet et lisez sa traduction sur https://www.image-jura.ch/djasans/spip.php?rubrique228